سرائے عالمگیر/راوالپنڈی ( سید شہباز بخاری سے۔)
آئی ایس پی آر راوالپنڈی کیمطابق ، گزشتہ روز 14 نومبر 2024ء بلوچستان کے ضلع ہرنائی میں مادر وطن کا دفاع کرتے ہوئے جام شہادت نوش کرنے والے میجر محمد حسیب شہید (عمر 28 سال، ساکن ڈسٹرکٹ راولپنڈی) کی نماز جنازہ چکلالہ گیریژن راولپنڈی میں ادا کی گئی۔ جنازہ میں آرمی چیف جنرل سید عاصم منیر، NI(M)، وفاقی وزیر PD&SI جناب احسن اقبال سمیت اعلیٰ عسکری و سول حکام، افسران، جوانوں اور شہید کے لواحقین نے شرکت کی۔ اس موقع پر آرمی چیف، جنرل سید عاصم منیر نے کہا کہ بہادر افسران اور جوانوں کی قربانیاں دہشت گردی کی لعنت کے خلاف ملک کے دفاع کے لیئے غیر متزلزل لگن کی مثال ہیں۔ انہوں نے مذید نے روشنی ڈالی کہ قوم فتنہ الخوارج اور ان کی باگ ڈور سنبھالنے والوں کے خلاف جنگ میں مسلح افواج اور قانون نافذ کرنے والے اداروں کے ساتھ یکجہتی کے ساتھ کھڑی ہے۔ اور ھمیشہ کھڑی تھی۔ ان شاءاللہ تعالیٰ عزوجل ،
اے ارضِ وطن آج بھی اپنا یہ عہد ھے
ھم حرفِ وفا خون سے تحریر کریں گے۔۔۔،
واضع ھو کہ میجر محمد حسیب شھید سکنہ چکلالہ راولپنڈی نے، زیارت بلوچستان میں دھشت گردوں سے لڑتے ھوئے جام شہادت نوش کیا۔ اللہ تعالیٰ عزوجل انکو جنت الفردوس میں اعلیٰ و ارفع مقام عطاء فرمائے، “شھید کی جو موت ھے، وہ قوم کی حیات ھے،”
0
