مہنگائی کم ہونے کی خبر جھوٹ ہے رہنما جماعت اسلامی چوہدری ہارون گوندل واسو آنہ
جب تک پٹرول لیوی ساٹھ روپے ہے، عوام کوریلیف کیسے ملے گا، چالیس فیصد لوگ خط غربت سے نیچے زندگی گزار رہے ہیں
منڈی بہاوالدین (راجہ زبیع الرحمٰن)تفصیلات چوہدری ہارون گوندل نے کہا ہے کہ حکومتی اداروں کو اس پر سنجیدگی سے کام کی ضرورت ہے، ملک کے جب تک بڑے مسائل کوحل نہیں کیاجائیگا دہشت گردی ختم نہیں ہوگی، امن وامان سمیت تمام مسائل کے حل کے لئے ڈائیلاگ کی ضرورت ہے، پاکستان بدامنی کامتحمل نہیں ہوسکتا۔ نوجوان لیڈر چوہدری ہارون گوندل واسو آنہ کا مذید کہنا تھا کہ جب تک پٹرول لیوی ساٹھ روپے ہے، عوام کوریلیف کیسے ملے گا، چالیس فیصد لوگ خط غربت سے نیچے زندگی گزار رہے ہیں، پچھلے مہینے اٹھارہ روپے مہنگائی بڑھی اس ماہ بیس روپے بڑھی۔ انہوں نے مذید کہا کہ ونٹر پیکج بھی دھوکہ ہے، بجلی کے پانچ سو یونٹ کوئی کیوں خرچ کریگا، یہ ڈرامہ کرکے عوام کو بیوقوف بنانے کاسلسلہ بندہونا چاہیے، زیادہ بجلی یونٹس پر حکومتی ریلیف عوام سے سنگین مذاق ہے۔ چوہدری ہارون گوندل آنہ نے مذید کہا کہ حکومت اس سال اکیس فیصد زائد انتظامی اخراجات کررہی ہے، افسران کے لئے ایک ہزار نئی گاڑیاں خرید رہی ہے۔ فارم 47 پر آنے والا ممبر اسمبلی اور وزیراعظم شرعی ہے یا غیر شرعی۔؟ وی پی این تو وہ بعد استعمال کر رہا ہے۔؟ انہوں نے زور دیکر کہا کہ اھم نٹرنیٹ پر پابندی کی بھر پور انداز میں مذمت کرتے ھیں اور کہا کہ سچی خبریں دے دیں، فیک نیوز خود ہی ختم ہوجائیں گی، جب سچی خبر نہیں ہونگی۔ تو فیک نیوز تو پھیلے گی، کیونکہ لوگ حکومت پر اعتبار ہی نہیں کرتے
0
